ثقتك في نفْسِك .. من ريحة نفَسِك

أهم حاجة في جمالك إنك تكوني واثقة في نفسك، ويا سلام بقى لو تزودي ثقتك في نفْسِك بأن ريحة نفَسِك تكون عطرة ومنعشة.

ودلوقتي بقى هقول لك على الحاجات اللي بتخلي ريحة النفَس مش لطيفة....
التدخين ده أول حاجة بتخلي ريحة النفَس مش حلوة، وكمان بتصفر السنان.
كمان التوابل الزيادة في الأكل، والبصل والثوم بتخلي ريحة النفَس مش لطيفة، وكمان بتزود البقع في السنان.
شرب القهوة وتناول الحلويات بكميات كبيرة بيرفع من درجة حموضة الفم والمعدة، وده بيسبب تسوس الأسنان وبيعمل ريحة مش حلوة.
جفاف الفم وعدم ترطيبه من الحاجات اللي بتسبب الرائحة الكريهة للفم.
تسوس الأسنان والتهابات اللثة من أكتر الحاجات اللي بتعمل ريحة مش لطيفة للفم.
لو كنتي مركبة أسنان صناعية أو تاج أو طربوش لازم تفحصيها عند الدكتورة باستمرار علشان لو مش متثبتة كويس ممكن الأكل يدخل تحتها ويعمل ريحة مش لطيفة.

ودي شوية نصائح علشان تحافظي على رائحة نفَس منعشة...
لازم تنظفي أسنانك مرتين في اليوم على الأقل؛ وخاصة قبل النوم، وياريت تستخدمي "غرغرة" أو "غسول الفم" بعد كل وجبة، وخصوصاً اللي فيها سمك أو لبن أو توابل كتيرة.
استخدمي الخيط الطبي بتاع الأسنان كل يوم الصبح أو بالليل قبل ما تنامي.
لازم تشربي على الأقل 8 أكواب ميه في اليوم علشان ترطبي الفم وتحميه من الجفاف.
لازم تعملي تنظيف لأسنانك عند دكتور الأسنان مرتين على الأقل في السنة.

اهتمي بأكل الخضروات والفاكهة الطازجة زي الجزر والتفاح وكمان الكرفس اللي أجدادنا كانوا بيستخدموه زمان.
اشربي كل يوم كوب لبن أو نعناع مغلي، وأي حاجة فيها فيتامين سي لأن الحاجات دي كلها بتقوي مناعة الجسم، وبتقضي على البكتيريا